कला / साहित्य
Monday, 22 Jul, 2024
पिण्डेश्वरमा बोलबम मेला
धरान उपमहानगरपालिका–१४ पिण्डेश्वरमा साउन १ गतेदेखि बोलबम मेला आयोजना गरिएको छ । पहिलो सोमबार आज बिहानैदेखि यहाँ जल चढाउन आउने भक्तजनको घुइँचो लागेको छ। पिण्डेश्वर मन्दिरमा सप्तकोशी नदीको संगमस्थलबाट ल्याएको जल ल्याएर चढाउने गरिन्छ। यहाँ भक्तजनले बिहान ३ बजेदेखि नै जल चढाउन थालेका थिए।
बोलबम मेला भर्न आउने भक्तजनको संख्या बर्सेनि बढ्दै गएको पिण्डेश्वर बाबाधाम समितिका कोषाध्यक्ष पञ्जज घिमिरेले बताए। पिण्डेश्वरमा २०३९ सालदेखि सप्तकोशीको पानी ल्याएर जल चढाउने परम्परा छ। एक महिनासम्म सञ्चालन हुने मेलामा करिब तीन लाख भक्तजन सहभागी हुने अनुमान गरिएको समितिले जनाएको छ।