प्रमुख समाचार
Monday, 22 Apr, 2024
कतारी राजा आउँदा भोलि सार्वजनिक बिदा
काठमाडौं– सरकारले वैशाख ११ मा नेपाल भ्रमणमा आउन लागेका कतारका अमिर तमिम विन हमाद अल थानीको सम्मानमा सार्वजनिक बिदा दिने घोषणा गरेको छ। आज बसेको मन्त्रिपरिषद् बैठकले कतारका राजा नेपाल भ्रमणमा आउने दिन मंगलबार सार्वजनिक बिदा दिने निर्णय गरेको सञ्चारमन्त्री एवं सरकारका प्रवक्ता रेखा शर्माले बताइन्।
यस्तै, मन्त्रिपरिषद् बैठकले अर्थ मन्त्रालयको सचिवमा मधुकुमार मरासिनीलाई सरुवा गर्ने निर्णय गरेको छ। पेमेन्ट गेटवे अनियमितता प्रकरणमा विशेष अदालतमा भ्रष्टाचार मुद्दा परेपछि उनी निलम्बनमा परेका थिए। तर अदालतले सफाइ दिएपछि मरासिनी निलम्बन फुकुवा भएको थियो।
मरासिनी यसअघि प्रधानमन्त्रीको कार्यालयमा थिए। अर्थ मन्त्रालयका सचिव कृष्णहरि पुष्करको प्रधानमन्त्री कार्यालय सिंहदरबारमा सरुवा भएको छ।
