कला / साहित्य
Wednesday, 27 Sep, 2023
नायिका रेखा थापा ‘आमा’ बन्दै
काठमाडौं– नायिका रेखा थापाले आगामी फागुन–चैततिर आमा बन्न लागेको घोषणा गरेकी छन््।
नायिका एवं राष्ट्रिय प्रजातन्त्र पार्टीकी नेतृसमेत रहेकी रेखाले आफूलाई डाक्टरले आगामी फागुन–चैततिर सन्तान जन्मिने डेट दिएको सामाजिक सञ्जालमार्फत घोषणा गरेकी हुन्।फिल्म निर्माता छवि ओझासँग बिहे गरेर ब्रेकअप गरेसँगै केही समय सिंगल रहेर गत वर्ष प्रेमी बलराम शाहीसँग वैवाहिक जीवनमा बाँधिएकी रेखाले बच्चा जन्माउन लागेकी हुन्।
‘भविष्य पनि गजबको ‘उपहार’ हो, जो नआउँदै हामीलाई किस्ता किस्तामा खुसी पठाइदिन्छ,’ मंगलबार पतिसँगको तस्बिरमा उनले सामाजिक सञ्जालमा पोस्ट गरेकी थिइन्।
पछिल्लो समय ‘उपहार’ फिल्ममा अभिनय गरिरहेकी रेखाको पेटमा ५ महिनाको सन्तान हुर्किरहेको छ। ‘उपहार’ अहिले काठमाडौंका विभिन्न स्थानमा छायांकन भइरहेको उनले बताइन्।
