बुद्ध जयन्तीको अवसरमा विश्व शान्ती पूजा

८औं सागा दावा महा प्राणिधान (मोन्लम) को अबसर पारी  बौद्ध स्थित धाप्सङ् रिन्पोछेको गुम्बामा जेष्ठ २ गते देखि ३ गतेसम्म चार बौद्ध सम्प्रदायका भिक्षु तथा भिक्षुणी द्वारा  मोन्लममा उपस्थित भई विश्व शान्ति पूजा सुरु गरिएको छ ।  गत वर्ष झैं यस वर्ष पनि नेपाल बौद्ध महासंघद्वारा जगतका  सम्पूर्ण प्राणीहरू आफ्ना अज्ञानताका कारण सांसारिक दुःख चक्रमा भ्रमित  भई विभिन्न प्रकारका  दुःख पिडाहरु भोग्नुका साथै जन्म, बिरामी र मरणको चक्रबाट मुक्ति हुनको निम्ति विश्वशान्तिका महानायक एवम् महाकरणका परममूर्ति शाक्यमुनि बुद्धको धर्म सन्देश विश्वका विभिन्न देशहरुमा प्रचार–प्रसार हुनका साथै यस प्राणिधानको पुण्यबलले षष्टगतिका दुःखबाट मुक्त भई निर्वाणको मार्ग पाउन सकुन् र बुद्ध भूमिमा रोग, कष्ट, भय, आतंक, अनिकाल, भूकम्प जस्ता सबैबाट मुक्त होस् भन्ने उद्देश्यले  हरेक वर्ष प्राणिधान (मोन्लम)  अर्थात विश्व शान्ति पूजा गर्ने गरेको छ । यस सागा दावा प्रणिधान .मोन्लम्) मूल आयोजक समिति नेपाल बौद्ध महासंघद्वारा हरेक वर्ष बुद्ध जयन्तीको अवसर पारेर पूजा गर्ने गरिन्छ ।