‘लम्फू’को गीत ‘तिमीलाई भुलेर’ रिलीज (भिडियो)
बैशाख २८गतेलाई प्रदर्शनको मिति तय गरेको चलचित्र ‘लम्फू’को ‘तिमीलाई भुलेर’ बोलको गीत सार्वजनिक गरिएको छ ।रामजी लामिछानेको कोरियोग्राफी रहेको सार्वजनिक गीतमा चलचित्रका प्रमूख दुई कलाकार कबिर खड्का र मरिष्का पोखरेल फिचरिङ्ग छन् ।प्रमोद खरेलको स्वरमा रहेको गीतमा युवराज सापकोटाका शब्द तथा अर्जुन पोखरेलको संगीत रहेको छ।
गोपालचन्द्र लामिछानेको निर्देशनमा बनेको चलचित्रलाई शक्तिबल्दव घोरासैनीले निर्माण गरेका हुन् ।चलचित्रमा भूपतीको कथा, पटकथा तथा संवाद, रामजी लामिछाने र शिव वीकको कोरियोग्राफी, अष्ट महर्जनको द्धन्द्ध निर्देशन र अर्जुन पोखरेलको संगीत रहेको छ ।पपुलर मल्टिमिडियाको ब्यानरमा निर्माण भएको चलचित्रमा‘तरकारीवाली’को नामबाट विश्वभर परिचित कुसुम श्रेष्ठ ,सलोन बस्नेत, कबिर खड्का, मरिस्का पोखरेल, चाँदनी शर्मा, संजीत भण्डारी अजित लामिछाने, सन्तोष कार्की,कुशाग्र भट्टराई लगायतका कलाकारहरुको अभिनय छ ।







