‘रामकहानी’को पहिलो गीतमा यस्तो देखियो पूजा र आकाशको केमिस्ट्री
नायिका पूजा शर्मा र निर्देशक सुदर्शन थापाले निर्माण गरेको दोश्रो चलचित्र ‘रामकहानी’को पहिलो गीत रिलिज गरिएको छ । अर्जुन पोखरेलको शब्द तथा संगीत रहेको यो गीतमा सुगम पोखरेल र अन्जु पन्तको आवाज छ । ‘तिम्रो लागी म’ बोलको गीतमा पुजा शर्मा र आकाश श्रेष्ठले रोमान्स गरेका छन् ।सार्वजनिक गीतमा पूजा र आकाशसँगै , केदार घिमिरे, जितु नेपाल र विल्सनविक्रम राईको नृत्य देख्न सकिन्छ । गीतलाई धुर्मुस-सुन्तलीले निर्माण गरेको रौतहटको एकीकृत नमुना बस्ति सन्तपुरमा छायाँकन गरिएको हो ।
अभिनेत्री पूजा शर्माको जन्मदिनको अवसरमा पूजाले दर्शकलाई उपहारस्वरूप चलचित्र ‘रामकहानी’ को पहिलो गीत सार्वजनिक गरेकी हुन्। सुदर्शन थापा निर्देशित सिनेमामा पूजासँगै सुदर्शनको पनि लगानी छ । सौरभ लामाको छायाँकनमा रहेको चलचित्रमा बनिश शाह/मिलन श्रेष्ठको सम्पादन रहेको छ ।भदौ २२ गते देखि रिलिज हुने यो चलचित्रमा माथि उल्लेखित कलाकारका अलावा सिनेमामा रविन्द्र झा, राजाराम पौडेल, शिशिर राणा, बिशाल पहारी, सुनिता श्रेष्ठ ठाकुर, शोभित बस्नेत लगायतका कलाकारको अभिनय छ ।







