खगेन्द्रसँगै दर्शकले खेले टुँडिखेलमा डन्डिबियो
वैशाख २१ गतेबाट रिलिज हुन लागेको चलचित्र ‘डमरुको डन्डिबियो’लाई दर्शकले अहिले खुबै प्रतिक्षा गरिरहेका छन् । यो चलचित्रको कथावस्तुका कारण पनि यसले चर्चा पाएको हो ।
पूर्व राष्ट्रिय खेल समेत रहेको डन्डिबियोको कथालाई निकै मार्मिक तरिकाले उठान गरिएको छ । शनिबार दिउँसो राजधानीको टुँडिखेलमा ‘ठ्याक लगाउने’ च्यालेन्जको समेत आयोजना गरिएको छ ।यो प्रतिस्पिर्धामा भाग लिन दर्शकको उपस्थिती राम्रो थियो । च्यालेन्जमा सिठ्ठो (सात), छैंटो, पाँचो ठ्याक लगाउनेलाई निर्माण टिमले क्रमश रु. २५००, १५००, ५०० बराबरको फूडरकफी, कुपन वा टिसर्टरक्याप र इनर्जी ड्रिंक्स पुरस्कार दिएका थिए। त्यस्तै, तियो र चारो लगाउनेलाई टिसर्टरपेन पुरस्कार दिइयो ।
चलचित्रका कलाकार खगेन्द्र लामिछाने, आशान्त शर्मा, लक्ष्मी वर्देवा, निर्माताद्वय नोर्बु छिरिङ घले, विनोद गुरुङ लगायतका कलाकारले प्रतिस्पर्धीसँगै ठ्याक लगाएका थिए ।
यसको कथा खगेन्द्र आफैंले लेखेका हुन् । समृद्धि इन्टरटेन्मेन्टको ब्यानरमा विनोद गुरुङ र नोर्बु छिरिङ घलेको लगानीमा निर्माण भएको यो फिल्मको ७५ प्रतिशत छायांकन लमजुङको घले गाउँ र बाँकी काठमाडौंमा भएको हो ।







