राजेश हमाल र डोनाल्ड ट्रम्प सँग माफी माग्दै ‘जय भोले’को टिजर रिलिज (भिडियो)
आगामी दशैको फूलपातिमा रिलिज हुन लागेको चलचित्र ‘जय भोले’को टिजर सार्वजनिक भएको छ । चलचित्रको टिजरको सुरुवातमै अमेरिकी राष्ट्रपति डोनाल्ड ट्रम्प र उनकी श्रीमति, बलिउड नायक सैफअली खान र नायिका करिना कपुर, नायक राजेश हमाल र उनकी पत्नी मधु भट्टराइ सँग माफी मागिएको छ ।
आखिर, यी ३ विवाहित चर्चित मानिसहरुसँग किन माफी मागियो होला भन्ने कुराले दर्शकमा कौतुहलता पैदा गर्छ ।यो चलचित्रले दुई केटा साथीको भावानात्मक मित्रता र प्रेमको कथालाई उठान गरेको छ ।
निर्देशक अशोक शर्माले १२ बर्षपछि निर्देशन गरेको यो चलचित्रको टिजर कमेडी शैलीमा बनाइएको छ ।चलचित्रमा खगेन्द्र लामिछानेको पटकथा,पुरुषोत्तम प्रधानको छायाङ्कन, राजनराज सिवाकोटी र कल्याण सिंहको संगीत, राज ढुंगानाको सम्पादन, बसन्त श्रेष्ठको नृत्य र रोशनविक्रम भट्टराईको एक्सन रहेको छ । चलचित्रमा खगेन्द्र लामिछाने, सौगात मल्ल, स्वस्तिमा खड्का, सलोन बस्नेत, राजाराम पौडेल, बसुन्धरा भुषाल लगायतका कलाकारको मुख्य भुमिका रहेको छ ।







