मनोरञ्जन
Wednesday, 11 Apr, 2018
‘तिमी हुन्छौ जहाँ जहाँ’ को शिर्ष गीत;मलिना र मिलनको रोमान्स(भिडियो)
वर्ष २०७५ को असार ८ गतेलाई प्रदर्शन मिति तय गर्दै चलचित्र ‘तिमी हुन्छौ जहाँ जहाँ’को ‘तिम्रो हर सासमा’ बोल पहिलो गीत सार्वजनिक गरिएको छ ।अन्जु पन्त र फिरोज बस्नेतको स्वर,देवल भण्डारीको शब्द तथा अर्जुन पोखरेलको संगीतमा तयार भएको सार्वजनिक गीतमा पूर्व मिस नेपाल तथा नायिका मलिना जोशी र नव–नायक मनिष सुन्दर श्रेष्ठ फिचरिङ छन् ।
विकाश बस्यालको लेखन तथा निर्देशनमा बनेको चलचित्रलाई मोहन दवाडी, चन्द्र दवाडी र हरि चन्द्र अधिकारीको संयुक्त रुपमा निर्माण गरेका हुन् ।चलचित्रमा माधव घिमिरेको पटकथा तथा संवाद , भुपेन्द्र अधिकारी र सालिक दुडलको सम्पादन,रामशरण उप्रेतीको छायाँकन र रोशन श्रेष्ठको द्धन्द्ध निर्देशन रहेको छ । बि. एण्ड बि फिल्म्सको ब्यानरमा निर्माण भएको चलचित्रमा मनिष र मलिनाको साथमा वर्षा सिवाकोटी,स्वरूप पुरुष ढकाल लगायतका कलाकारहरुको अभिनय छ ।







