दोश्रो सातामा ’शत्रु गते‘; कति कमायो एक हप्तामा
गत शुक्रबारबाट प्रदर्शनमा आएको चलचित्र ‘शत्रुगते’ आजदेखी दोश्रो सातामा प्रवेश गरेको छ । पहिलो सातामा राम्रो कारोबार गरेको यो चलचित्रले दोश्रो सातामा नि राम्रो कारोबार गर्ने देखिन्छ कारण यो हप्ता कुनै पनि नेपाली चलचित्र प्रदर्शन आएका छैनन।
यसैगरी चलचित्र ‘शत्रुगते’ले व्यापारिक रुपमा सफलता हासिल गरेपछि यसको निर्माणपक्षले ६ दिनको ब्यापारिक रिपोर्ट सार्वजनिक गरेको छ । बिहिबार राजधानीमा वितरक कम्पनी बिके फिल्मस् र एफडी कम्पनीले एक कार्यक्रमको आयोजना गर्दै चलचित्रको ६ दिनको ब्यापारिक रिपोर्ट सार्वजनिक गरेको हो ।साथै चलचित्रको निर्माणपक्षले केक काटेर खुशियाली मनाएका थिए ।

निर्माण चरणको समयदेखी नै चर्चामा रहेको चलचित्र ‘शत्रु गते’ले काठमाडौं उपत्यकाका वितरक गोपाल कायस्थले ‘शत्रु गते’ ले ६ दिनमा राजधानी भित्रबाट ३ करोड २५ लाख कलेक्सन गरेको जानकारी दिए । यस्तै, राजधानी बाहिरबाट चलचित्रले २ करोड ३७ लाख कलेक्सन गरेको अर्का बितरक सुमन बजगाइँ ‘भाञ्जा’ले जानकारी दिए ।चलचित्रले जम्माजम्मी ५ करोड ६२ लाखको ग्रस कलेक्सन गर्न सफल भएको छ ।
प्रदीप भट्टराईको निर्देशन र महसंचारको ब्यानरमा किरण केसीको प्रस्तुती रहेको चलचित्रमा मदनकृष्ण श्रेष्ठ, हरिवंश आचार्य पल शाह, आँचल शर्मा, दीपकराज गिरी, दीपाश्री निरौला, प्रियंका कार्की, राजाराम पौडेल, मदनकृष्ण श्रेष्ठ, बसुन्धरा भुषाल, रमेश रञ्जन, शिवहरी पौडेललगायतका कलाकारको अभिनय छ ।







