Breaking News
Saturday, 17 Dec, 2016
संशोधन विधेयक फिर्ता हुँदैनः प्रचण्ड र देउवा
काठमाडौं, २ पुष । प्रधानमन्त्री प्रचण्ड र नेपाली कांग्रेसका सभापति शेरबहादुर देउवाले संविधान संशोधन विधेयक फिर्ता नहुने भन्दै शंका नगर्न मधेसी मोर्चाका नेताहरुलाई आग्रह गर्नु भएको छ ।
प्रमुख तीन दलको पछिल्लो छलफलहरूलाई लिएर मधेसी मोर्चाले संशोधन प्रस्तावलाई रोकेर स्थानीय तहको चुनावको चुनाव गर्न खोजेको आशंका गरेको थियो । त्यसबारे सत्तारुढ दलको धारणा बुझ्न भन्दै मधेसी मोर्चाका नेताहरुले शनिबार प्रचण्ड र देउवासहित सत्तारुढ दलका नेताहरुलाई संयुक्त रुपमा भेट्नु भएको हो ।
बालुवाटारमा बसेको बैठकमा प्रधानमन्त्री प्रचण्डले संविधान संशोधन विधेयकलाई फिर्ता लिने वा थाती राख्ने कुनै सम्भावना नरहेको बताउनु भयो । यसमा संशोधन गरेर अघि बढ्न आफू तयार रहेको भन्दै उहाँले मधेसी मोर्चाका नेताहरुलाई शंका नगर्न आग्रह गर्नु भएको छ ।
