मनोरञ्जन
Thursday, 17 May, 2018
अलिशाको रातहरुः प्रेम वियोगको कथा
गीतमा प्रेम सर्वाधिक विकाउ विषय हुन् । प्रेमसँगै वियोग पनि । प्रेम–वियोगका गीतहरु थुप्रै गाइएका छन् । चलेका छन् । यसै मेसोमा थपिएको छ, रातहरु ।
अलिशा गुरुङद्वारा स्वरवद्ध यो गीत अरुन तिवारीले लेखेका हुन् । विक्रम थापाले संगीत गरेका छन् । यो गीतको हालै म्युजिक भिडियो पनि सार्वजनिक भएको छ ।
सविज मिडियाले उत्पादन गरेको यो म्युजिक भिडियोलाई शैलेन्द्र खोकालीले निर्देशन गरेका हुन् । दुई दर्जन बढी म्युजिक भिडियो निर्देशन गरिसकेका शैलेन्द्रले यो म्युजिक भिडियोलाई कलात्मक रुपले प्रस्तुत गरेका छन् । म्युजिक भिडियोको निर्देशक मात्र होइन, सम्पादन गर्ने र क्यामेरा चलाउने पनि उनी नै हुन् ।







