मनोरञ्जन
Tuesday, 15 May, 2018
‘पण्डित बाजेको लौरी’को टिजर रिलिज(भिडियो)
साउन ४ गते सार्वजनिक प्रदर्शन को मिति तय गरेको चलचित्र‘पण्डित बाजेको लौरी’ को टिजर सार्वजनिक भएको छ । एउटा सानो गाउँ भित्र पण्डित्याईको भिन्न-भिन्न काम गर्ने पण्डितहरुको कथामा बनेको चलचित्रले समाजका गहकिला समस्या र घटनालाई समेटेको छ ।
दिपक ओलीको निर्देशनमा तयार भएको चलचित्रमा थमनकुमार भण्डारी र किशोर खड्काको लगानी छ । यो चलचित्रमा महेश दवाडीको कथा, पटकथा तथा संवाद, विदुर गिरीको छायांकन, मित्र डी गुरुङको सम्पादन, विक्रम स्वाँर र दीपकमान सिंहको कोरियोग्राफी, श्रीकृष्ण बम मल्ल र अमित श्रेष्ठको संगीत छ ।अधृत फिल्मस्को प्रस्तुतिमा तयार भएको चलचित्र ‘पण्डित बाजेको लौरी’मा मा भोलाराज सापकोटा, प्रविन खतिवडा, बिजय बराल, प्रमोद अग्रहरी, मरिष्का पोख्रेल, सन्ध्या केसी, लोकेन्द्र बीक, बिशाल पहारी, कुलदिप अधिकारी मुख्य भूमिकामा छन् ।







