‘गोपी’मा खगेन्द्र र सुरक्षा;सुरक्षाका ‘गोपी’ बन्दै खगेन्द्र
नायक खगेन्द्र लामिछानेलाई शिर्ष भूमिकामा लिएर चलचित्र ‘गोपी’को घोषणा गरिएको छ । पत्रकार दीपेन्द्र लामाले दोस्रो चलचित्रको रुपमा ‘गोपी’ निर्देशन गर्ने भएका छन् । बुधबार राजधानीमा आयोजित एक समारोहका बिच चलचित्र घोषणा गरियो ।देशमै केही गर्न सकिन्छ र गर्छु भन्ने पात्रको जीवनमा आइपर्ने पारिवारिक, सामाजिक र नीतिगत अड्चनका बाबजुद उसले कसरी सफलता हात पार्छ भन्ने मूल कथाबस्तुमा आधारित रहेर फिल्म बन्नेछ।
आरोही इन्टरटेन्मेन्टको ब्यानरमा निर्माण हुन लागेको यो चलचित्रमा सामिप्यराज तिमिल्सिनाको पटकथा, दीपेन्द्र लामाकै कथा रहेको चलचित्रमा निमेष श्रेष्ठको सम्पादन, शैलेन्द्र डी कार्कीको छायांकन रहेनछ ।चलचित्रमा खगेन्द्र लामिछाने, सुरक्षा पन्त, अंकित खड्का, प्रकाश घिमिरे लगायतका कलाकारको मुख्य भूमिका रहनेछ खगेन्द्र र सुरक्षाले यसअघि चलचित्र ‘धनपति’मा संगै काम गरिसकेका छन् ।चलचित्रको प्रदर्शन मिति भने तय गरिएको छैन ।







