‘जात्रा’को सिक्वेल ‘जात्रै जात्रा’
चलचित्र ‘शत्रु गते’ तेस्रो सातामा पनि उत्साहका साथ प्रदर्शन भैरहेको छ । दोस्रो चलचित्रको सफलता पश्चात निर्देशक प्रदीप भट्टराई नयाँ चलचित्रको तयारीमा जुटेका छन् । डेव्यु चलचित्र ‘जात्रा’को सिक्वेलको रुपमा निर्देशक भट्टराईले ‘जात्रै जात्रा’ निर्देशनको घोषणा गरेका हुन् ।
फ्लोरमा जानु अगाडि नै यस चलचित्रको प्रदर्शन मिति वर्ष २०७५ को फागुन १७ गतेलाई तय गरिएको छ ।
निर्देशक भट्टराईले चलचित्रको निर्देशन गर्नेछन् भने कथा पनि उनकै रहनेछ ।रविन्द्रसिंह बानियाँको कार्यकारी निर्माण रहने चलचित्रमा सिङ्गे लामा र यादव पौडेल निर्माताको रुपमा रहनेछन् ।‘जात्रै जात्रा’ मा विपिन कार्की, वर्षा राउत, रविन्द्रसिंह बानियाँ, रविन्द्र झा लगायतका पुरानै कलाकारहरु दोहोरिने छन् भने केही नयाँ कलाकारको पनि अभिनय रहनेछ ।
गतबर्ष रिलिज भएको चलचित्र ‘जात्रा’ले बक्स अफिसमा सुपरहिटको व्यापार गरेको थियो भने केहि हलमा ५१ दिन पनि मनाएको थियो । यसैले पनि यसको सिक्वेलको प्रतिक्षा दर्शकमा खुबै छ ।







