अनमोल केसीको जन्मदिन ;२४ बर्षमा प्रवेश
नायक अनमोल केसीको आज जन्मदिन परेको छ । उनी आजबाट २३ वर्ष पुरा गरि २४ वर्षमा प्रवेश गरेका छन् । होस्टेलबाट नेपाली चलचित्र क्षेत्रमा नायकको रुपमा डेब्यु गरेका अनमोलले लगातार ४ हिट फिल्म दिएका छन् ।उनले होस्टेल, ड्रिम्स, गाजलु, जेरी र कृ गरि पाँच चलचित्रमा अभिनय गरेका छन् । उनी नेपाली चलचित्र क्षेत्रको अन्तराष्ट्रिय बजारीकरणका लागि एक आशा लाग्दा अभिनेता हुन् । उनले अभिनय गरेको चलचित्र कृ केही महिना अघि प्रदर्शनमा आएको थियो भने अब उनी क्याप्टेन नामक चलचित्रमा काम गर्दैछन् ।
अनमोलको जन्मदिनमा आमा सु्स्मिता र बुवा भुवनले शुभकामना दिएका छन् । फेसबुकमा स्टाट्स लेख्दै सुस्मिता र भुवनले शुभकामना ब्यक्त गरेका छन् ।२४ वर्षको उमेरमै ठुलो सफलता पाएका अनमोल नायक भुवन केसी र सुस्मिता केसीको एक मात्र सन्तान हुन् ।नायक अनमोल केसीलाई हाम्रो तर्फबाट पनि जन्मदिनको शुभकामना …








