मनोरञ्जन
Thursday, 29 Mar, 2018
असार २९ मा आकाश र आश्माको ‘ड्रिम गर्ल’
चलचित्र ‘ड्रिम गर्ल’आगामी असार २९ गते प्रदर्शनमा आउने भएको छ । आकाश श्रेष्ठ रआश्मा गिरी मुख्य भूमिकामा रहेको चलचित्रको छायांकन सकिएर पोष्ट प्रोडक्शनको काम चलिरहेको समयमा प्रदर्शन मिति तय गरिएको हो ।डिसीएनले वितरण गर्ने गरि चलचित्रको रिलिज मिति तय गरिएको निर्देशक ऋषिराज आचार्यले जानकारी दिए ।
चलचित्रका निर्माता पनि ऋषिराज आचार्य नै हुन् भने चलचित्रमा अर्जुन शर्मा, अन्टा रोचा रोवन र रामेश्वर धिताल सह-निर्माताको रुपमा छन् ।आरबी मुभिजको ब्यानरमा बनेको प्रेमकथानक चलचित्रमा अर्जुन पोखरेलको संगीत, राहुल राईको छायाँकन, नविन निरौलाको सम्पादन रहेको छ ।काठमाडौँ, मुस्ताङ, राराताल र थाइल्याण्डका बिभिन्न स्थानमा छायाँकन गरिएकोचलचित्रमा आकाश र आश्मा सँगै बिल्सन बिक्रम राई, सरोज खनाल, अर्जुन श्रेष्ठ, सुरवीर पण्डितलगायतका कलाकारको अभिनय छ ।







