Breaking News Tuesday, 3 Jan, 2017
Prestige Media

गाउँ गाउँमा मतदाता नामावली सङ्कलन

बैतडी, १९ पुस । आसन्न निर्वाचनको तयारीस्वरुप जिल्ला निर्वाचन कार्यालय बैतडीले जिल्लाभरि फोटोसहितको मतदाता नामावली सङ्कलन तथा अद्यावधिक कार्यक्रम सञ्चालनका लागि गाउँगाउँ टोली परिचालन गरेको छ ।

पुस दोस्रो सातादेखि सुरु भएको सङ्कलन तथा अद्यावधिक कार्य हालसम्म जिल्लाका ११ गाविस, पाटन नगरपालिकाका दुईवटा वडा र दशरथचन्द नगरपालिकाका तीनवटा वडामा सम्पन्न भइसकेको जिल्ला निर्वाचन कार्यालय बैतडीका कम्प्युटर अपरेटर उमेशराज जोशीले राससलाई जानकारी दिनुभयो । उहाँले भन्नुभयो “पुस १२ गतेदेखि सुरु भएको सङ्कलन कार्यमा हालसम्म ४८० जनाको नाम दर्ता भइसकेको छ ।”

आउँदो माघ १४ गतेसम्म सञ्चालन हुने अभियानमा जिल्लाभरि सात टोली परिचालन गरिएको छ । यसअघि नामावली दर्ता गराएका तर नामावलीमा त्रुटि देखिएका, विदेशमा बसोबास गरिरहेका, बसाइँसराइ, मृत्यु, आदि कारणले अद्यावधिक गर्नुपर्ने र नयाँ नागरिकता लिएका मानिसले फोटोसहितको मतदाता नामावलीमा नाम दर्ता गराउने उद्देश्यले उक्त कार्य गरिन लागेको जिल्ला निर्वाचन कार्यालय बैतडीका निमित्त जिल्ला निर्वाचन अधिकारी जीतबहादुर रोकायाले बताउनुभयो ।

जिल्लाका ५६ गाविस र दुई नगरपालिकाका प्रत्येक वडामा सञ्चालनमा रहेकोे कार्यक्रम प्रत्येक दर्ता केन्द्रमा दुई दिनसम्म मतदाता नामावली सङ्कलन तथा दर्ता कार्य गरिन लागेको जिल्ला निर्वाचन कार्यालयले जनाएको छ ।

यस कार्यमा आम मानिसलाई उत्प्रेरित एवम् सुसूचित गर्न सम्पूर्ण राजनीतिक दलका संयन्त्र, गैरसरकारी संस्था, नागरिक समाज, सञ्चारकर्मी र मतदाता स्वयम्ले सक्रिय भूमिका खेलिदिन जिल्ला निर्वाचन कार्यालय बैतडीले आग्रह समेत गरेको छ ।

विभिन्न राष्ट्रिय निर्वाचन, जनमत सङ्ग्रह, स्थानीय निकायको निर्वाचनलगायत प्रयोजनका लागि फोटोसहितको मतदाता नामावली तथा अद्यावधिक कार्य भइरहेको हो । निर्वाचन आयोगले निर्वाचनमा हुने गरेका त्रुटि सच्याउन र मतदाता नामावली अद्यावधिक गर्न फोटोसहितको मतदाता नामावली सङ्कलन तथा अद्यावधिक गर्ने कामको २०६७ भदौ २८ गतेदेखि नै थालनी गरेको हो ।

उमेरले १६ वर्ष पुगेपछि नागरिकता प्रमाणपत्र लिन पाइने भएपनि मतदाता बन्नका लागि १८ वर्ष पूरा भई मतदाता नामावलीमा नाम दर्ता हुनुपर्ने कानुनी व्यवस्था रहेको छ ।

जिल्लामा २०७३ असोज मसान्तसम्ममा ६० हजार ७९६ पुरुष तथा ६४ हजार ३१९ महिला गरी एक लाख २५ हजार ११५ जनाको मतदाता नामावली नाम दर्ता भइसकेको छ । रासस

तपाईंको प्रतिकृया

सम्बन्धित समाचार

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

विवादपछि गृहमन्त्रीले भने- चलचित्र ‘पाँच पाण्डव’को प्रदर्शन रोक्नू

गोदावरी-६ मा बाघको आक्रमण, स्थानीय त्रसित

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL