राजनीति / देश
Sunday, 24 Apr, 2016
नेपाली सेना द्वारा २२ घण्टा पछि उद्दार गरिएका सोनिसलाई सेनाले नै पढाउने
काठमाडौं । वि.स २०७२ साल वैशाख १२ गते गएको महाबिनाशकारी भूकम्पमा परेर घरको भग्नावशेषबाट २२ घण्टापछि नेपाली सेनाद्वारा जीवितै उद्दार गरिएका भक्तपुर सोनिस अवाललाई नेपाली सेनाले निःशुल्क पढाउने भएको छ ।
सेनाको उद्दार बाट पुनर्जीवन पाएका सोनिसलाई भक्तपुर सल्लाघारीस्थित सैनिक आवासीय महाविद्यालयमा ६ देखि स्नातक तहसम्म नेपाली सेनाले निःशुल्क पढाउने भएको हो ।
भूकम्प गएको १ बर्षपछि एक कार्यक्रममा प्रधानसेनापति राजेन्द्र श्रेत्रीले सोनिसलाई सैनिक बिद्यालयमा निःशुल्क पढाउने प्रतिबद्धता व्यक्त गरेका हुन् ।
सोनिसलाई ५ कक्षासम्मको शिक्षा अभिभावकले व्यवस्था गरेको विद्यालयमा नै पढाएर त्यो बेलामा लाग्ने सवै खर्चहरु समेत नेपाली सेनाले नै बेहोर्ने जनाईएको छ ।
