अर्थ बाणिज्य / समाज
Tuesday, 12 Aug, 2025
घट्यो नेप्से ७ अर्ब नजिकको कारोवार
नेपाल स्टक एक्सचेन्ज (नेप्से) परिसूचक २६ दशमलव २२ अङ्कले घटेर दुई हजार ७९६ दशमलव २४ विन्दुमा कायम भएको छ। आज परिसूचक शून्य दशमलव ९२ प्रतिशतले घटेको हो।
आज ६ अर्ब ९१ करोड ८९ लाख ८३ हजार रुपैयाँबराबरको शेयर खरिदबिक्री भएको छ । १३ उपसमूहमध्ये यस दिन होटल तथा पर्यटन उपसमूहको परिसूचक मात्र बढेको छ ।
सिटी होटल लिमिटेडको शेयर मुल्यमा सकारात्मक सर्किट लाग्दा सिक्लेस हाइड्रोपावर लिमिटेडको शेयर मूल्यमा नकारात्मक सर्किट लागेको छ। कारोबार रकमका आधारमा आज सबैभन्दा धेरै नेपाल रिइन्स्योरेन्स कम्पनी लिमिटेडको २६ करोड ७७ लाख ५५ हजार २९३ बराबरको शेयर कारोबार भएको छ। कारोबार भएका शेयर सङ्ख्याका आधारमा भने सबैभन्दा धेरै सिद्धार्थ इक्विटी फन्डको छ लाख छ हजार ३१७ कित्ता शेयर किनबेच भएको छ।
