अर्थ बाणिज्य / समाज
Friday, 2 Aug, 2024
सुनको मूल्य हालसम्मकै उच्च, डेढ लाख पुग्यो
काठमाडौं– सुनको मूल्य हालसम्मकै उच्च बिन्दुमा पुगेको छ। नेपाल सुनचाँदी व्यवसायी महासंघका अनुसार आज तय गरिएको मूल्य अनुसार छापावाल सुनको मूल्य प्रतितोला एक लाख ४९ हजार नौ सय पुगेको छ।साउन २ गते सुनको मूल्य प्रतितोला एक लाख ४९ हजार आठ सय बराबर पुगेको थियो।
यस आधारमा साउन २ गतेको तुलनामा आज एक सयले वृद्धि भएको हो। बिहीबार प्रतितोला एक लाख ४९ हजार चार सयमा कारोबार भएको थियो। त्यस्तै, चाँदीको मूल्य बिहीबार प्रतितोला एक हजार सात सय ५० मा कारोबार भएकामा आजका लागि एक हजार सात सय ९५ निर्धारण भएको छ।
