इजरायलमा मर्मत गरेर ल्याइयो निगमको जहाज

काठमाडौं। नेपाल वायुसेवा निगमको ९ एनएकेएक्स जहाज इजरायलमा मर्मत गराएर काठमाडौं ल्याइएको छ। इजरायलमा मर्मतसम्भार सकेर ल्याइएको जहाज शनिबार साँझ काठमाडौंको त्रिभुवन अन्तर्राष्ट्रिय विमानस्थलमा अवतरण गरेको वायुसेवा निगमका प्रवक्ता रमेश पौडेलले जानकारी दिए।
उनले भने, ‘उक्त जहाजको एउटा इञ्जिनमा प्राविधिक समस्या आएपछि इजरायलस्थित नियमानुसार छनोट भएको मर्मत र मर्मत संगठन ९एमआरओ० मा मर्मत गराइएको थियो। मर्मतपछि जहाज शनिबार साँझ काठमाडौं आइपुगेको छ।’

मर्मतका क्रममा आवश्यक प्राविधिक जाँच पड्ताल गर्दा अन्य प्राविधिक समस्याका अतिरिक्त इञ्जिनभित्रको ३१ वटा ब्लेड पूरै फेर्नुपर्ने देखिएको र एमआरओ तथा निगमका सम्बन्धित इञ्जिनियर एवं प्राविधिकको प्रतिवेदनअनुसार बजारमा सोसँग सम्बन्धित पार्टपुर्जा अभाव भएकाले मर्मतसम्भार कार्यमा केही ढिलाइ हुन पुगेको प्रवक्ता पौडेलले बताए।
विज्ञप्तिमा भनिएको छ, ‘उक्त कार्यमा इजरायलस्थित नेपाली दूतावासबाट भएको सहयोग र समन्वयका लागि निगमले आभार प्रकट गर्दछ। जहाजको इञ्जिन मर्मतमा ढिलाइ हुन गएको विषयलाई गम्भीरतापूर्वक अध्ययन विश्लेषण गरी सम्झौताअनुसार आवश्यक प्रक्रिया अगाडि बढाइनेछ।’