राजनीति / देश
Friday, 30 Mar, 2018
प्रमुख तीन विद्यार्थी संगठनद्वारा आन्दोलनको घोषणा;अनिश्चितकालीन शैक्षिक हड्ताल
प्रमुख तीन विद्यार्थी संगठनहरुले देशभरका कलेजअगाडि विरोध प्रदर्शन गरेका छन्। शिक्षा ऐन नवौं संशोधनको विरोधमा बिहीबार अनेरास्ववियु, नेवीसंघ र अनेरास्ववियुृ(क्रान्तीकारी)को संयुक्त बैठकको निर्णयअनुसार पहिलो चरणमा देशभरका क्याम्पसअगाडि विरोध प्रदर्शन तथा एक घण्टा चक्काजाम गरिएको हो।सो क्रममा विद्यार्थी संगठनहरुले शिक्षा ऐन नवौं संशोधनको खारेजीको माग गरेका थिए।

यसैगरी तीनै विद्यार्थी संगठनले यही चैत १७ गतेदेखि अनिश्चितकालसम्म शैक्षिक हड्ताल घोषणा गरेका हुन् ।शिक्षा ऐन नवौं संशोधनमा आन्तरिक प्रतिस्पर्धामा ७५ प्रतिशत र खुला प्रतिस्पर्धामा २५ प्रतिशत कोटा छुट्याइएको छ । शिक्षा ऐनको आठौं संशोधनमा भने खुल्लातर्फ ५१ र आन्तरिकतर्फ ४९ प्रतिशत कोटा निर्धारण गरिएको थियो ।







