राजनीति / देश Friday, 19 Jan, 2018
Prestige Media

जिल्लामै जलविद्युत आयोजना भए पनि ३३ हजार परिवार अँध्यारोमै

बैतडी- बैतडीका ३३ हजार घरधुरी अँध्यारोमा बस्न बाध्य छन्। स्थानीय उत्पादित बिजुली, भारतबाट आएको बिजुली, अपी हाइड्रोपावर, चमेलिया जलविद्युत् र राष्ट्रिय प्रसारणलाइन पुग्दा पनि गाउँमा विद्युत् लाइन विस्तार नहुँदा यहाँका स्थानीय अन्धकारमा बस्न बाध्य भएका छन्। २०४२ सालमा भारतबाट ११ केभी प्रसारण लाइनबाट बैतडी सदरमुकाममा बिजुली पुगेको थियो। त्यसपछि २०४७ सालमा बैतडीको पाटनमा सुर्नयागाड साना जलविद्युबाट दुई सय किलोवाट विद्युत् उत्पादन भयो। २०५६ सालमा ३३ केभी राष्ट्रिय प्रसारणलाइन जोडिए पनि ३३ हजार घरधुरी बिजुलीविहीन छन्।

हाल ८ मेघावाटको अपी हाइड्रोपावर र ३० मेघावाटको चमेलिया जलविद्युत् आयोजनाबाट विद्युत् उत्पादन भए  पनि जिल्लाका करिब १२ हजार घरपरिवार मात्र विद्युतको पहुँचमा छन्। जिल्ला सदरमुकामसम्म राष्ट्रिय प्रसारणलाइन तथा भारतबाट समेत आयात गरिएको बिजुली र पछिल्लो समय चमेलिया जलविद्युत् आयोजना सम्पन्न भएर बत्ती बले पनि ग्रामीण बस्तीसम्म विद्युत् पुगेको छैन। चार नगरपालिका ६ गाउँपालिका रहेको बैतडीमा नगरपालिकामा समेत बिजुली पुग्न नसक्दा स्थानीय अन्धकारमा बस्न बाध्य छन्। पुर्चौडी, मेलौली नगरपालिकमा राष्ट्रिय प्रशारणलाइन पुग्न सकेको छैन भने, पाटन र सदरमुकाम रहेको दशरथचन्द नगरपालिकाका केही वडाका बासिन्दा उज्यालोको लागि अझै टुकी र झरोको भर पर्न बाध्य छन्।

जिल्लाका केही ठाउँमा पोल गाडिएको वर्षौंबित्दा समेत  बिजुली बल्न नसकेको पाटनका स्थानीय चक्रबहादुर चन्दले बताए। जिल्लामा बर्सेनि थोरै बजेट आउने भएकाले सीमित ठाउँमा मात्र विद्युत विस्तार गरिदै आएको विद्युत् वितरण केन्द्र बैतडीले जनाएको छ। वितरण केन्द्रका प्राविधिक महानन्द जोशीले पाँच अर्ब रुपियाँ बजेट भए बैतडीका बाँकी ३३ हजार घरधुरीमा तीन वर्षभित्र बिजुली पुर्‍याउन सकिने बताए।

विद्युत् नहुँदा अधिकांश गाउँपालिकाको काम पनि प्रभावित हुने गरेको छ। ग्रामीण क्षेत्रका स्थानीय खोलाबाट उत्पादन गरिएको लघुजलविद्युत् योजना मर्मत सम्भार र आर्थिक अभावमा धमाधम बन्द भएपछि बिजुलीको प्रयोग गर्दै आएका स्थानीय सोलार, मट्टीतेल बाल्दै आएका छन्। लघुजल विद्युत आयोजना बन्द भएसँगै ग्रामीण क्षेत्रमा बिजुलीबाट चल्ने साना उद्योग, आटामिल, काष्ठ उद्योगसमेत बन्द भएको पुर्चौडी नगरपालिका–७, कोटिलाका गणेशदत्त जोशीले बताए । जिल्लाको च्वागड, पुर्चौडी,तल्लोस्वराड र डिलाशैनी क्षेत्रका गाउँपालिकामा बिजुली पुग्न सकेको छैन । गाउँपालिकाको समान्य काम गर्न सोलार जडान गरेर कम्प्युटर चलाए पनि बादल लागेको दिन सोलारले काम नगर्दा गाउँपालिकाको काम प्रभावकारी बन्न सकेको छैन।

विद्युत सेवा विस्तार नहुँदा गाउँपालिकमा बैंकिङ सेवासमेत सुरु हुन सकेको छैन। स्थानीय तह निर्वाचनको समयमा सिंहदरवारका अधिकार गाउँमा आएको भन्ने गरिए पनि अहिलेसम्म गाउँमा बिजुलीसमेत बाल्न नपाएको मेलौलीका सुरत पार्कीले बताए।

source : nagarik news

 

तपाईंको प्रतिकृया

सम्बन्धित समाचार

बुढीगण्डकी बाढीमा दुई सय घर बगे, ओत खोज्दै स्थानीय

चार दिनको वर्षाले सबभन्दा बढी क्षति कालीगण्डकी तटीय क्षेत्रमा

आइपिपीसँगको नयाँ सहमतिले प्राधिकरणलाई एक अर्बभन्दा बढी दायित्वको जोखिम

प्रधानमन्त्री बालेनले भारत र चीनका राजदूतसँग सोमबार एक्लाएक्लै भेटवार्ता गर्ने

बर्खामा विपी राजमार्ग अवरूद्ध भए आधा घन्टामै खुलाइने

रास्वपामा सभापतिको नीतिगत निर्देशन नमाने संसदीय दलको नेता स्वत: पदमुक्त हुने

बालेनलाई आङ्देम्बेले भने– तपाईंलाई प्रधानमन्त्री र संवैधानिक परिषद अध्यक्षको हैसियतमा म चिन्दिनँ

रास्वपाका निर्वाचित पदाधिकारी र केन्द्रीय सदस्यको शपथ आज

मलाई अपरिपक्वको आरोप लाग्थ्यो, तर अब छुट छैन– रवि लामिछाने

महामन्त्रीको दाबीबाट पछि हटे शिशिर

रास्वपाको केन्द्रीय सदस्यमा ८० जना महिला प्रतिस्पर्धी

मध्यरातपछि सुरू भयो रास्वपाको मतदान, अहिलेसम्म कतिले भोट हाले?

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL