राजनीति / देश
Sunday, 3 Sep, 2023
दोलखाबाट काठमाडौं आउँदै गरेको जिप पल्टिँदा दुई जनाको मृत्यु
काठमाडौं–दोलखाको बाम्तीबाट काठमाडौं आउँदै गरेको स्कार्पियो जिप दुर्घटना हुँदा दुई जनाको घटनास्थलमै मृत्यु भएको छ भने ६ गम्भीर घाइते भएका छन्।
बा१५च९३७० नम्बरको स्कार्पियो जिप लामोसाँघु–जिरी सडक खण्डको पाँचकिलो नजिकै शनिबार राती २ बजे दुर्घटनामा परेको हो।मृत्यु हुनेमा चालक उत्तमराज महर्जन र सिन्धुपाल्चोकका बलबहादुर खत्री रहेको ट्राफिक प्रहरीले बताएको छ।
एमबी दुगड हाइड्रोको गाडी रामेछापको बाम्तीबाट काठमाडौं आउँदै गरेको थियो।सडकबाट झन्डै ३ सय मिटर तल खसेको जिपमा सवार यात्रुलाई राती स्थानीयले उद्धार गरेका थिए।
जिल्ला ट्राफिक प्रहरी कार्यालयका अनुसार दुर्घटनामा घाइतेको सदावहार अस्पतालमा उपचारपछि थप उपचारका लागि धुलिखेलमा पठाइएको छ।







