राजनीति / देश
Tuesday, 22 Aug, 2023
देशभर ९२ प्रतिशत रोपाइँ
काठमाडौँ– कृषि तथा पशुक्षी विकास मन्त्रालयले १ भदौसम्म ९२ प्रतिशत रोपाइँ सकिएको विवरण सार्वजनिक गरेको छ। अहिलेसम्म १४ लाख ८८ हजार ४९ हेक्टर क्षेत्रफलमा मात्र रोपाइँ सकिएको मन्त्रालयका सह–प्रवक्ता तपेन्द्रबहादुर बोहराले जानकारी दिए।
हालसम्म कोसीमा ९७ प्रतिशत, मधेसमा ८२ प्रतिशत, बागमतीमा ९३ प्रतिशत, गण्डकीमा ९४ प्रतिशत, लुम्बिनीमा ९५ प्रतिशत, कर्णालीमा ९९ प्रतिशत र सुदूरपश्चिम प्रदेशमा पनि ९९ प्रतिशत रोपाइँ सकिएको छ।
गत वर्ष यही समय देशभर ९५ प्रतिशत भूभागमा रोपाइँ सकिएको मन्त्रालयले जनाएको छ। यस वर्ष ढिला वर्षा भएकाले कम प्रतिशत रोपाइँ भएको हो। धेरै धान उत्पादन हुने मधेस प्रदेशमा सबैभन्दा कम प्रतिशत रोपाइँ भएको छ।







