राजनीति / देश
Friday, 16 Dec, 2022
विश्वकपमा बेटिङ गराएको आरोपमा अर्का एजेन्ट पक्राउ
विश्वकप फुटबलमा सट्टाबाजी गराएको आरोपमा अर्का एक एजेन्ट पक्राउ परेका छन्। बेटिङ एप वान एक्स बेट लगायत एपमार्फत् सट्टाबाजी गराएको आरोपमा एक जनालाई प्रहरीले पक्राउ गरेको काठमाडौं उपत्यका अपराध अनुसन्धान कार्यालयका एसपी कृष्णप्रसाद कोइरालाले जानकारी दिए।
कार्यालयबाट खटिएको टोलीले बुधबार काठमाडौं महानगरपालिका-२८ कमलपोखरीबाट पक्राउ गरेको हो। पक्राउ पर्नेमा काठमाडौं-२ टोखा चण्डेश्वरी बस्ने २६ वर्षीय सुजन गौलीलाई पक्राउ गरेको हो।
उनीमाथि मुलुकी अपराध संहिताको दफा १२५ को उपदफा ४ बमोजिम सट्टाबाजी गर्न गराउन नहुने कसुर अन्तर्गत अनुसन्धान अघि बढाएको छ। उनीमाथि थप अनुसन्धान गर्न कार्यालयले उनलाई जिल्ला प्रहरी परिसर काठमाडौंमा पठाएको छ।







