राजनीति / देश
Thursday, 15 Dec, 2022
सशस्त्रमा एकैपटक साढे आठ हजार जवानको सरुवा
सशस्त्र प्रहरी बल, नेपालले मंगलबार एकैपटक आठ हजार ४८८ जना जवानको सरूवा गरेको छ। सरुवाअघि सशस्त्र प्रहरी बल प्रधान कार्यालयले देशभरका जवानहरूलाई फारम भराएको थियो ।
यस्तै सीमावर्ती इलाकाका युनिटहरूमा लामो समय दरबन्दी भएका जवानहरूलाई सीमा इलाका बाहेक अन्यत्र सरुवा गरिएको छ।सरुवाको लागि मुख्यालयस्थित उजुरी तथा गुनासो सुनुवाइ शाखामा प्राप्त निवेदन तथा गुनासोलाई समेत उच्च प्राथमिकतामा राखिएको थियो।
सशस्त्रका जवानहरुलाई घर भएको जिल्लामा सरुवा नगरी सम्भव भएसम्म नजिकको जिल्ला र त्यो नभएमा नजिकको प्रदेशमा सरुवा गरिएको छ ।श्रीमान श्रीमतीलाई सम्भव भएसम्म एउटै कार्यालयमा सरुवा गरिएको छ ।







