राजनीति / देश
Tuesday, 13 Dec, 2022
बूढीगण्डकी जलविद्युत आयोजनाको निर्माण अघि बढाउन गोरखा र धादिङका जनप्रतिनिधिले गरे माग
बूढीगण्डकी जलविद्युत आयोजनाको निर्माण कार्य अघि बढाउन गोरखा र धादिङका संघ, प्रदेश र स्थानीय तहमा चुनाव जितेका जनप्रतिनिधिले माग गरेका छन्।
गोरखा १ बाट निर्वाचित प्रतिनिधि सभा सांसद राजेन्द्र बजगाईं, धादिङ २ बाट निर्वाचित सांसद रामनाथ अधिकारीलगायतले आज नेकपा माओवादी केन्द्रका अध्यक्ष पुष्पकमल दाहाल प्रचण्डलाई भेटेर आयोजना निर्माणलाई गति दिन पहल गरिदिन आग्रह गरेका छन्।बूढीगण्डकी आयोजना निर्माण कार्य अघि बढाउनुपर्ने र मुआब्जा वितरण लगायत बाँकी काम पनि छिट्टै पूरा गर्न गोरखा र धादिङका स्थानीय तहका प्रमुखहरूले समेत माग गरेका छन्। सांसद र स्थानीय तहका प्रमुखहरू काठमाडौं आएर प्रचण्डसँग भेटवार्ता गर्दै आयोजना अघि बढाउन पहल गरिदिन भनेका हुन्।







