Breaking News
Monday, 26 Dec, 2016
बानेश्वरमा सर्वदलीय बैठक सुरु
पुस ११, २०७३- सभामुख ओनसरी घर्तीले संसदको गतिरोध अन्त्यका लागि बोलाएकी सर्वदलीय बैठक सुरु भएको छ । प्रमुख तीन दलका शीर्ष नेताहरूको बैठकमार्फत समस्या समाधानका लागि गरेको प्रयास असफल भएपछि सभामुख घर्तीले सदनमा दस सिटभन्दा बढी ‘स्ट्रेन्थ’ भएका दलहरूको बैठक डाकेकी हुन् ।
सदनको गतिरोध अन्त्यका लागि दलहरूलाई जिम्मेवार बनाउन सर्वदलीय बैठक डाकिएको हो ।
दलहरुबीच बढेको दूरी कम गरी सहमति गराउने प्रयासस्वरुप सभामुख घर्तीले छलफलका लागि नयाँ बानेश्वरस्थित संसद भवनमा प्रमुख ७ दलका शीर्ष नेताहरुलाई बैठकमा डाकेकी हुन् ।
सभामुख घर्तीले नेपाली कांग्रेस, नेकपा एमाले, माओवादी, राप्रपा, संघीय समाजवादी फोरम, फोरम लोकतान्त्रिक र तराई मधेस लोकतान्त्रिक पार्टीका नेताहरुलाई बैठकमा बोलाएकी हुन् । साभार इकान्तिपुर बाट ।
