अर्थ बाणिज्य / समाज
Tuesday, 20 Sep, 2022
चुनाव खर्च नबुझाउने २०८ उम्मेदवारलाई जरिमाना
निर्वाचन आयोगले २०८ उम्मेदवारलाई ७ लाख ५० हजारका दरले जरिमाना तोकेको हो।
काठमाडौं– निर्वाचन आयोगले स्थानीय तह निर्वाचनमा भएको चुनावी खर्चको विवरण नबुझाउने महानगरपालिकाका मेयर तथा उपमेयर पदका २०८ उम्मेदवारलाई ७ लाख ५० हजारका दरले जरिमाना तोकेको छ ।
आयोगले सार्वजनिक गरेको खर्च विवरण नुबझाउनेको सूचीमा काठमाडौं महानगरका मेयर बालेन साह, उपमेयर सुनिता डंगोललगायत रहेका छन् ।
यस्तै, वीरगन्ज महानगरपालिकाका मेयर राजेशमान सिंह, विराटनगर महानगरपालिकाका मेयर नागेश कोइराला, भरतपुर महानगरपालिकाकी मेयर रेनु दाहाल, पोखराका मेयर धनराज आचार्यसमेत रहेका छन् । उनीहरूले निर्वाचन कानुनअनुसार ६ महिनाभित्र जरिमाना तिर्नुपर्नेछ । जरिवाना नतिरे पद गुम्ने कानुनी व्यवस्था छ ।







