अर्थ बाणिज्य / समाज
Monday, 15 Sep, 2025
उच्चस्तरीय यातायात व्यवस्थापन समिति गठन हुने
सार्वजनिक यातायातमा सुरक्षित र सहज यात्रा बनाउन तथा तत्काल गुनासो सम्बोधन गर्न यातायात व्यवस्था विभागका महानिर्देशकको संयोजकत्वमा उच्चस्तरीय यातायात व्यवस्थापन समिति गठन हुने भएको छ । जेनजी आन्दोलनपछिको अन्योलपूर्ण अवस्था र दसैँलगायतका चाडपर्वलक्षित गरी सार्वजनिक यातायात व्यवस्थित रूपमा सञ्चालन गर्न समिति गठन गरिने भएको हो ।
भौतिक पूर्वाधार तथा यातायात मन्त्रालयका सचिव केशव शर्माको नेतृत्वमा यातायात व्यवसायी र सरोकारवाला निकायको आइतबार बसेको बैठकले विभिन्न छबुँदे निर्णय गरेको हो । बैठकले चाडपर्वको समयमा काठमाडौँ उपत्यकाबाट बाहिरिने यात्रुलाई सहज र सुरक्षित यात्राको व्यवस्था मिलाउन यातायात व्यवसायीलाई अनुरोध गरेको छ ।
