राजनीति / देश Sunday, 28 Aug, 2022
Prestige Media

निर्वाचनमा उम्मेदवार छनोट गर्न एमालेले बनायो मापदण्ड

उम्मेदवारको सिफारिस प्रक्रिया र छनोट मापदण्ड एमालेले टुंगो लगाएको हो।

काठमाडौं– प्रमुख प्रतिपक्षी नेकपा एमालेको केन्द्रीय कमिटी बैठकले आगामी ४ मंसिरमा हुने निर्वाचनका लागि उम्मेदवार छनोट गर्न मापदण्ड बनाएको छ ।
च्यासलस्थित एमाले मुख्यालयमा बसेको बैठकले उम्मेदवार छान्न मापदण्ड तय गरेको प्रचार विभाग प्रमुख पृथ्वीसुब्बा गुरुङले बताए ।
सरकारले ४ मंसिरमा एकै चरणमा प्रतिनिधिसभा र प्रदेशसभा निर्वाचन गर्ने घोषणा गरेको छ । त्यसका लागि उम्मेदवारको सिफारिस प्रक्रिया र छनोट मापदण्ड एमालेले टुंगो लगाएको हो ।

जिल्लाको सम्बन्धित प्रतिनिधि निर्वाचन क्षेत्र समन्वय कमिटीको बैठकले प्रतिनिधिसभाको उम्मेदवार सिफारिस गर्ने निर्णय कमिटीले गरेको छ । एउटा मात्रै निर्वाचन क्षेत्र रहेकाले जिल्ला कमिटीको बैठकबाट उम्मेदवार सिफारिस गर्ने निर्णय भएको गुरुङको भनाइ छ ।
यस्तै, प्रदेशसभा सदस्यको उम्मेदवारको सिफारिस पनि सोही सम्बन्धित निर्वाचन क्षेत्र समन्वय कमिटीको बैठकले गर्ने उनले बताए ।
त्यस्तै, सो सिफारिसमा जिल्ला कमिटी र प्रदेश कमिटीले आफ्नो अन्य सुझाव भए सोसमेत उल्लेख गरी सिफारिस गर्न भनिएको छ ।
सिफारिस गरिएका उम्मेदवारको अन्तिम निर्णय भने केन्द्रले गर्नेछ ।

‘प्रत्येक निर्वाचन क्षेत्रबाट तोकिएका मापदण्ड पूरा गरेका कम्तीमा एक महिलासहित तीन जनाको नाम सिफारिस गर्नुपर्नेछ,’ उनले भने, ‘सिफारिस, सिफारिस मात्रै हो । अन्तिम निर्णय होइन । निर्णय नभएसम्म सिफारिसमा परेका कुनै पनि व्यक्तिले आफ्नो उम्मेदवारी पक्का भएजस्तो गर्न मिल्दैन ।’

यस्तै, समानुपातिकतर्फको उम्मेदवारीका लागि प्रस्ताव पठाउँदा सन्तुलन, समावेशिता र अवसरको न्यायोचितसमेतलाई ध्यानमा राखेर सम्बन्धित जिल्ला कमिटी बैठकबाट सिफारिस गरिनेछ ।
त्यस सिफारिसमा सम्बन्धित प्रदेश कमिटीले आफ्नो अन्य राय भए सो उल्लेख गरी सिफारिस गर्न भनिएको छ । सिफारिस गर्ने अन्तिम समय २२ भदौसम्म कायम गरिएको छ ।

पार्टीको नीति र कार्यक्रमप्रतिको प्रतिबद्धता, लोकप्रियता र विजयको सुनिश्चितता, पार्टीविरुद्धको निष्ठा र आन्दोलनमा योगदान, सन्तुलन र समावेशिता, निर्वाचन कानुनबमोजिमको योग्यता पूरा भएको हुनुपर्ने मापदण्ड बनाइएको गुरुङले बताए ।
बैठकले राजनीतिक प्रतिवेदनमाथि ९ समूहमा छलफल गरी पारित गरेको छ ।

तपाईंको प्रतिकृया

सम्बन्धित समाचार

बुढीगण्डकी बाढीमा दुई सय घर बगे, ओत खोज्दै स्थानीय

चार दिनको वर्षाले सबभन्दा बढी क्षति कालीगण्डकी तटीय क्षेत्रमा

आइपिपीसँगको नयाँ सहमतिले प्राधिकरणलाई एक अर्बभन्दा बढी दायित्वको जोखिम

प्रधानमन्त्री बालेनले भारत र चीनका राजदूतसँग सोमबार एक्लाएक्लै भेटवार्ता गर्ने

बर्खामा विपी राजमार्ग अवरूद्ध भए आधा घन्टामै खुलाइने

रास्वपामा सभापतिको नीतिगत निर्देशन नमाने संसदीय दलको नेता स्वत: पदमुक्त हुने

बालेनलाई आङ्देम्बेले भने– तपाईंलाई प्रधानमन्त्री र संवैधानिक परिषद अध्यक्षको हैसियतमा म चिन्दिनँ

रास्वपाका निर्वाचित पदाधिकारी र केन्द्रीय सदस्यको शपथ आज

मलाई अपरिपक्वको आरोप लाग्थ्यो, तर अब छुट छैन– रवि लामिछाने

महामन्त्रीको दाबीबाट पछि हटे शिशिर

रास्वपाको केन्द्रीय सदस्यमा ८० जना महिला प्रतिस्पर्धी

मध्यरातपछि सुरू भयो रास्वपाको मतदान, अहिलेसम्म कतिले भोट हाले?

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL