राजनीति / देश
Friday, 17 Jun, 2022
खोलाले बगाएर शिक्षिकाको मृत्यु
नुवाकोटको दुप्चेश्वर गाउँपालिका-६ का राधिका आचार्यको शुक्रबार विद्यालय पढाउन जाँदै गर्दा भीरबाट खस्ला खोलाले बगाएर मृत्यु भएको छ ।
तादी गाउँपालिका–४ स्थित सुन्दरा माध्यमिक विद्यालयमा पढाउन जाने क्रममा ३५ वर्षीय आचार्य चढेको स्कुटर दुर्घटना भई भिरबाट खस्दा तादी खोलाले बगाएर उनको मृत्यु भएको जिल्ला प्रहरी कार्यालयले जानकारी दिए ।तादी–४ स्थित पागेंपाखा भन्ने ठाउँमा पुग्दा आचार्य चढेको बा.९७ प ६९२५ नं स्कुटर अनियन्त्रित भएर दुर्घटना भई भिरबाट खसेर तादी खोलामा पुगेर बगाउँदा शिक्षिका आचार्यको मृत्यु भएको हो ।
घटनास्थलभन्दा ५०० मी. तलबाट उद्दा गरे पनि उनलाई बचाउन नसकिएको प्रहरीले जनाएको छ ।







