तेस्रो स्थानमा पनि इंग्ल्याण्डले फ्रान्सलाई हरायो, खेलमा कुल १० गोल
फिफा विश्वकप २०२६ को तेस्रो स्थानका लागि भएको खेलमा इंग्ल्याण्डले फ्रान्सलाई पराजित गरेको छ।
मायामीमा आइतबार बिहान भएको खेलमा इंग्ल्याण्डले फ्रान्सलाई ६-४ गोलले पराजित गरेको हो।
इंग्ल्याण्डका बुकायो शाकाले ह्याट्रिक हाने। उनले ३७ मिनेटमा, पहिलो हाफको अन्तिम समय (४५+१)मा र ८७ मिनेटमा पेनाल्टीमार्फत गोल गर्दै ह्याट्रिक पूरा गरेका थिए।
खेलको तेस्रो मिनेटमै डेकलन राईले गोल गर्दै इंग्ल्याण्डलाई सुरूवाती अग्रता दिलाएका थिए। १८ मिन्टमा इजरी कोन्साले अग्रता दोब्बर पारेका थिए।
त्यसपछि शाकाले दुई गोल थपेका थिए।
दोस्रो हाफदेखि मात्रै फ्रान्सले गोल फर्काएको हो। ४८ मिनेटमा एम्बाप्पेले गोल गरे। ५४ मिनेटमा बार्कोला र ६६ मिनेटमा पुनः एम्बाप्पेले गोल गरे।
९० मिनेटपछि थप गरिएको समयको छैटौं मिनेटमा उस्मान डेम्बेलेले गोल गरे। आठौं मिनेटमा इंग्ल्याण्डका ज्युड बेलिंघमले पनि गोल थपेपछि इंग्ल्याण्ड समग्रमा ६-४ गोलले पराजित भएको हो।
सेमिफाइनल खेलमा इंग्ल्याण्ड अर्जेन्टिनासँग र फ्रान्स स्पेनसँग पराजित भएको थियो।
