राजनीति / देश
Sunday, 27 Aug, 2023
त्रिशूलीमा खसेर दुई जना बेपत्ता
काठमाडौं– चितवनको भरतपुर महानगर–२९ गाईघाटस्थित त्रिशूली नदीमा मुख धुने क्रममा खसेर दुई जना बेपत्ता भएका छन्।
वनभोज खान गएका उनीहरू शनिबार दिउँसो साढे ४ बजेतिर नदीमा बेपत्ता भएका हुन्।जिल्ला प्रहरी कार्यालय चितवनका प्रवक्ता प्रहरी नायब उपरीक्षक विजय पण्डितका अनुसार बेपत्ता हुनेमा भरतपुर महानगर–१० सप्तगण्डकी चोकका ३० वर्षीय अर्जुन प्रधान र सोही ठाउँका ३० वर्षीय प्रवीण श्रेष्ठ रहेका छन्।
हाल उनीहरूको खोजी भइरहेको उनले जानकारी दिए।







