समानुपातिकको बन्दसूचीमा रहेका ४३९ लाई जरिमाना बुझाउन निर्देशन
समानुपातिक बन्दसूचीमा रहेका ४३९ लाई ५ कात्तिकभित्र जरिमाना बुझाउन आयोगले निर्देशन दिएको हो।
काठमाडौं– निर्वाचन आयोगले आगामी ४ मंसिरमा हुने आमनिर्वाचनको समानुपातिक बन्दसूचीमा समावेश ४ सय ३९ जनाले ५ कात्तिकभित्र जरिमाना बुझाउन निर्देशन दिएको छ ।समानुपातिक बन्दसूचीमा रहेका ४३९ लाई ५ कात्तिकभित्र जरिमाना बुझाउन आयोगले निर्देशन दिएको हो ।
स्थानीय तह निर्वाचनमा उम्मेदवार भई निर्वाचन खर्चको विवरण तोकिएको समयावधिभित्र नबुझाउने उम्मेदवारलाई निर्वाचन आयोगले ५ कात्तिकसम्मको समय दिएको हो ।
४ मंसिरमा हुने प्रतिनिधि सभा सदस्य तथा प्रदेश सभा सदस्य समानुपातिक निर्वाचन प्रणालीतर्फ राजनीतिक दलले पेस गरेको बन्दसूचीमा समावेश भएका त्यस्ता ४३९ उम्मेदवारले जरिमाना बुझाउनुपर्ने आयोगले विज्ञप्ति जारी गर्दै बताएको छ ।आयोगले जरिमाना रकम बुझाउन निर्देशन दिँदै यस्तो निर्णय भएको जानकारी गराएको हो ।
राजनीतिक दलले पेस गरेको बन्दसूचीमा समावेश भएको भए जरिमाना नबुझाउने उम्मेदवारको नाम बन्दसूचीबाट हटाइनेछ ।







