राजनीति / देश
Thursday, 8 Sep, 2022
बिहीबार मनाइँदै अन्तर्राष्ट्रिय साक्षरता दिवस
साक्षरता अभियानलाई निरन्तरता दिइने प्रधानमन्त्री देउवाको प्रतिबद्धता
काठमाडौं–‘साक्षरता सिकाइ क्षेत्रमा रुपान्तरण’ आदर्श वाक्यका साथ बिहीबार नेपालमा ५६औं अन्तर्राष्ट्रिय साक्षरता दिवस मनाइँदै छ ।
संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (युनेस्को)ले सन् १९६७ देखि ८ सेप्टेम्बरका दिन विश्वभर यो दिवस मनाउन थालेको हो ।
दिवस अवसरमा प्रधानमन्त्री शेरबहादुर देउवाले सन्देश दिँदै साक्षरता अभियानलाई निरन्तरता दिइने प्रतिबद्धता व्यक्त गरे ।
दिवस अवसरमा शिक्षा, विज्ञान तथा प्रविधि मन्त्रालय मातहतको शैक्षिक गुणस्तर मापन केन्द्रले विद्यालयको उत्कृष्टता मूल्यांकन मापनसहितको प्रतिवेदन आज सार्वजनिक गर्दै छ ।







