राजनीति / देश
Tuesday, 6 Sep, 2022
पहिरो झरेपछि बुटवल–पाल्पा सडक अवरुद्ध
तिनाउ गाउँपालिका वडा–३ तल्लो सिद्धबाबा नजिक पहिरो झरेपछि सडक अवरुद्ध भएको हो।
बुटवल–बुटवल–पाल्पा सडक खण्डमा ढुंगासहितको पहिरो झरेपछि सिद्धार्थ राजमार्ग अवरुद्ध भएको छ ।मंगलबार बिहान ८ बजे बुटवल र पाल्पाको सीमा क्षेत्र तल्लो सिद्धबाबा नजिक ढुंगासहितको पहिरो झरेको थियो ।
जिल्ला ट्राफिक प्रहरी कार्यालय पाल्पाका अनुसार सिद्धार्थ राजमार्गअन्तर्गत तिनाउ गाउँपालिका वडा नम्बर ३ तल्लो सिद्धबाबा नजिक पहिरो झरेपछि सडक अवरुद्ध भएको हो ।
अहिले डिभिजन सडक कार्यालय पाल्पाले पहिरो हटाएर सडकको आउजाउ गराउन पहल गरिरहेको बताएको छ ।








