राजनीति / देश
Sunday, 4 Sep, 2022
बयान दिन सिंहदरबार गए निलम्बित प्रधानन्यायाधीश जबरा
आफूमाथि लागेका आरोपबारे छानबिन समितिलाई तेस्रो पटक जवाफ दिँदै जबरा
काठमाडौं– निलम्बित प्रधानन्यायाधीश चोलेन्द्रशमशेर जबरा आइतबार पनि महाभियोग सिफारिस समितिको बैठकमा आफूमाथि लागेका आरोपबारे बयान दिन गएका छन् ।
सिंहदरबारमा ११ बजे बसेको बैठकमा प्रधानन्यायाधीश जबराको बयान दिइरहेका छन्।जबरासँग गत बुधबार र बिहीबार समितिका सबै प्रश्न सोध्न समय नभएपछि उनलाई आज बोलाइएको हो। बुधबार र बिहीबार दुई दिन बसेको बैठकमा जबराले ७ वटा प्रश्नको जवाफ दिएका थिए ।
उनले पहिलो दिनको बैठकमा ४ घन्टा जवाफ दिएका थिए। दोस्रो दिनको बैठक २ घन्टा मात्र चलेको थियो ।
समितिले ४३ वटा प्रश्न सोध्ने तयारी गरे पनि सवालजवाफ लम्बिँदा बयान लिन अझै केही समय लाग्नेछ ।







