राजनीति / देश Sunday, 25 Mar, 2018
Prestige Media

गोरखामा विद्युत चोरी गर्ने ८२ जनालाई कारबाही

११ चैत्र, गोरखा  जिल्लामा बिद्युत चोरी गर्नेहरुलाई प्राधिकरणले कारबाही गर्न थालेको छ ।

चालु आर्थिक वर्षको चैत्रको दोस्रो हप्तासम्म बिद्युत चोरी गर्ने ८२ जनालाई कारबाही गरिएको नेपाल बिद्युत प्राधिकरण वितरण शाखा गोरखाले जनाएको छ ।

कारबाही स्वरुप उनीहरुबाट चार लाख भन्दा बढी राजश्व संकलन भएको छ । ‘हुकिङ गरेर बिद्युत चोरी गर्ने ६२ जना कारवाहीमा परेका छन्,’ प्राधिकरण शाखा गोरखाका इन्जिनियर कृष्ण कडेलले भने, ‘जरिवाना स्वरुप उनीहरुबाट ६४ हजार राजश्व संकलन भएको छ ।’

त्यस्तै मिटर वाइपास र एमसीपी बढी राख्ने २० जना कारवाहीमा परेको उनले बताए ।

जरिवाना स्वरुप उनीहरुबाट तीन लाख ५० हजार रकम संकलन भएको कडेलले जानकारी दिए । जरिवानासँगै उनीहरुको लाइन पनि काटिएको उनको भनाइ छ । हेल्थपोष्ट, प्रहरी चौकी र बिद्यालयले पनि बिद्युत चोरी गरेको प्राधिकरणले जनाएको छ ।

बिद्युत चोरी नियन्त्रणका लागी बिशेष अभियान संचालन गरिएको प्राधिकरण शाखा गोरखाका प्रमुख माधव न्यौपानेले बताए । ‘बिद्युत चोरी भएनभएको अनुगमन पनि गरिरहेका छौ, ठाउँठाउँमा गोप्य सूचना दिने मान्छेहरु पनि राखेका छौ,’ उनले भने ।

बिद्युत चोरी गरेको भेटिएमा जरिवानासँगै लाइन काटिदिने गरेको न्यौपानेले बताए । ‘बिद्युत चोरी गरेको भेटिएमा उनीहरुले प्रयोग गरेको बिद्युतिय उपकरणको क्षमता नापेर बुझाउनुपर्ने महशुल हिसाव गर्छाै अनि त्यसमा १०० प्रतिशत जरिवाना जोडेर रकम लिन्छौ, सँगै लाइन पनि काटिदिन्छौ,’ प्राधिकरण प्रमुख न्यौपानेले भने ।

पटके परेमा २०० प्रतिशत जरिवाना लिइने उनले जानकारी दिए । चालु आर्थिक वर्षमा १७ हजार ७६ युनिट बिद्युत चुहावट भएको प्राधिकरणले जनाएको छ ।
प्राधिकरणको सरसफाइ अभियान
प्राधिकरणले विगत ६ महिना देखि सरसफाइ अभियान संचालन गरेको छ ।

विद्युत चोरी नियन्त्रणसँगै कार्यालय हाताको सरसफाइका लागि अभियान संचालन गरिएको प्राधिकरण गोरखा प्रमुख न्यौपानेले बताए ।

साताको हरेक शुक्रवार विहान सात बजे देखि आठ बजे सम्म कार्यालय हातामा सरसफाइ गर्दै आएको न्यौपानेले जानकारी दिए ।

सामूहिक श्रम तथा सफाइ अभियान अन्तरगत सरसफाइ हुँदै आएको न्यौपानेको भनाइ छ ।

कार्यालय व्यवस्थापन र सरसफाइको क्षेत्रमा राम्रो काम गरेको भन्दै नेपाल बिद्यतु प्राधिकरण वितरण शाखा गोरखा सम्मानित भएको छ ।

नेपाल राष्ट्रिय कर्मचारी संगठन केन्द्रीय संगठन समितिले प्राधिकरणलाइ प्रशंसापत्रले सम्मान गरेको हो ।                             साभार;अनलाइन खबर 

तपाईंको प्रतिकृया

सम्बन्धित समाचार

बुढीगण्डकी बाढीमा दुई सय घर बगे, ओत खोज्दै स्थानीय

चार दिनको वर्षाले सबभन्दा बढी क्षति कालीगण्डकी तटीय क्षेत्रमा

आइपिपीसँगको नयाँ सहमतिले प्राधिकरणलाई एक अर्बभन्दा बढी दायित्वको जोखिम

प्रधानमन्त्री बालेनले भारत र चीनका राजदूतसँग सोमबार एक्लाएक्लै भेटवार्ता गर्ने

बर्खामा विपी राजमार्ग अवरूद्ध भए आधा घन्टामै खुलाइने

रास्वपामा सभापतिको नीतिगत निर्देशन नमाने संसदीय दलको नेता स्वत: पदमुक्त हुने

बालेनलाई आङ्देम्बेले भने– तपाईंलाई प्रधानमन्त्री र संवैधानिक परिषद अध्यक्षको हैसियतमा म चिन्दिनँ

रास्वपाका निर्वाचित पदाधिकारी र केन्द्रीय सदस्यको शपथ आज

मलाई अपरिपक्वको आरोप लाग्थ्यो, तर अब छुट छैन– रवि लामिछाने

महामन्त्रीको दाबीबाट पछि हटे शिशिर

रास्वपाको केन्द्रीय सदस्यमा ८० जना महिला प्रतिस्पर्धी

मध्यरातपछि सुरू भयो रास्वपाको मतदान, अहिलेसम्म कतिले भोट हाले?

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL