राजनीति / देश Monday, 29 Jan, 2018
Prestige Media

प्रदेश १ मा मुख्यमन्त्री को ? एमालेका तीनजनाको दाबी

माेरङ, प्रदेश नं. १ मा एमालेले मुख्यमन्त्री पाउने पक्का भैसकेको छ । तर कसले पाउँछ भन्ने झैं अझै टुंगो लागेको छैन ।

केही दिन अघिसम्म नेता शेरधन राईले मात्र एकलौटी दाबी गर्दै आउनुभएकोमा आइतबारसम्म मुख्यमन्त्रीको दाबी गर्नेहरु तीनजना देखिएका छन् ।

एमाले स्थायी समिति सदस्य तथा सुनसरी क्षेत्र नं. १ (१)बाट निर्वाचित भीम आचार्य, एमालेका पोलिटव्युरो सदस्य तथा भोजपुरको प्रदेशसभा निर्वाचन क्षेत्र २ बाट निर्वाचित शेरधन राई र एमाले केन्द्रीय सदस्य तथा मोरङ क्षेत्र नम्बर ४ (२) बाट निर्वाचित जीवन घिमिरेले मुख्यमन्त्रीको दाबी गरेका हुन् । घिमिरे र आचार्य दुवै एमाले बरिष्ठ नेता माधव नेपाल तथा राई केपी ओली समूहका हुन् ।

शनिबार काठमाडौंमा पत्रकार सम्मेलन गरेर आचार्यले आफू मुख्यमन्त्रीको दौडमा रहेको घोषणा गरेको भोलिपल्टै आइतबार विराटनगरमा राई र घिमिरेले पनि छुट्टाछुट्टै स्थानमा  पत्रकार सम्मेलन गरी मुख्य मन्त्रीको रुपमा आफूहरु योग्य रहेको दाबी गरे ।

पत्रकार सम्मेलनमा नेता राईले आफू मुख्यमन्त्रीका लागि बलियो दाबेदार रहेको बताउनुभएको थियो । त्यसको केही घण्टामै पत्रकार बोलाएर घिमिरेले आफू  लाभको पदमा अहिलेसम्म नपुगेकोले त्यो अवसर आफूले पाउनुपर्ने दाबी गर्दै संसदीय दलको नेतामा आफू विजयी हुने ठेकुवा गर्नुभयो ।

माधव नेपालको आधिकारिक उम्मेदवार आफू भएको दाबी गर्दै घिमिरेले अहिले नै नबोल्ने हो भने ढिला हुने भएकोले आफूले मुख खोलेको पनि बताउनुभयो । उहाँले अवसरको समुचित व्यवस्थापनमा पार्टीले ध्यान दिनुपर्ने तर्क गर्नुभयो । राजनीतिक जीवनको सुरुवातदेखि अहिलेसम्म कुनै पनि राजकीय पद नलिएको र परीक्षा दिन पनि नपाएको कारण  अब परीक्षाको मौका आफूलार्ई दिनुपर्ने घिमिरेको भनाई छ ।

घिमिरेले नेता भीम आचार्यप्रति लक्षित गर्दै भन्नुभयो, ‘प्रदेशमा चुनाव लड्नु नै उहाँले गल्ती गर्नुभयो । उहाँ त प्रतिनिधिसभामा जाने मान्छे हो, किन प्रदेशमा आउनु भयो ?’

आफू मुख्य मन्त्री बन्ने विषयमा पार्टीका नेताहरुसँग छलफल गरिरहेको जानकारी दिँदै घिमिरेले संसदीय दलको नेता बन्ने प्रक्रियामा आफू पनि प्रवेश गर्ने बताउनु भयो ।  यसअघि बिहान पत्रकारसँग कुरा गर्दै राईले आफू १ नम्बर प्रदेशको मुख्यमन्त्रीको बलियो दाबेदार भएको बताउनु भएको थियो ।

पार्टीका अरु नेताले पनि मुख्यमन्त्रीमा चाहना राख्नु र संसदीय दलमा जित्छु भन्नु अन्यथा नभएको राईको प्रतिक्रिया छ ।

 

source : ujyaloonline

 

 

तपाईंको प्रतिकृया

सम्बन्धित समाचार

बुढीगण्डकी बाढीमा दुई सय घर बगे, ओत खोज्दै स्थानीय

चार दिनको वर्षाले सबभन्दा बढी क्षति कालीगण्डकी तटीय क्षेत्रमा

आइपिपीसँगको नयाँ सहमतिले प्राधिकरणलाई एक अर्बभन्दा बढी दायित्वको जोखिम

प्रधानमन्त्री बालेनले भारत र चीनका राजदूतसँग सोमबार एक्लाएक्लै भेटवार्ता गर्ने

बर्खामा विपी राजमार्ग अवरूद्ध भए आधा घन्टामै खुलाइने

रास्वपामा सभापतिको नीतिगत निर्देशन नमाने संसदीय दलको नेता स्वत: पदमुक्त हुने

बालेनलाई आङ्देम्बेले भने– तपाईंलाई प्रधानमन्त्री र संवैधानिक परिषद अध्यक्षको हैसियतमा म चिन्दिनँ

रास्वपाका निर्वाचित पदाधिकारी र केन्द्रीय सदस्यको शपथ आज

मलाई अपरिपक्वको आरोप लाग्थ्यो, तर अब छुट छैन– रवि लामिछाने

महामन्त्रीको दाबीबाट पछि हटे शिशिर

रास्वपाको केन्द्रीय सदस्यमा ८० जना महिला प्रतिस्पर्धी

मध्यरातपछि सुरू भयो रास्वपाको मतदान, अहिलेसम्म कतिले भोट हाले?

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL