राजनीति / देश Friday, 10 Nov, 2017
Prestige Media

सत्ता कब्जा गर्दैनौं : दाहाल

चितवन- माओवादी केन्द्रका अध्यक्ष पुष्पकमल दाहालले वाम गठबन्धनले आउँदो चुनावमा बहुमत ल्याए पनि सत्ता कब्जा नगर्ने स्पष्ट पारेका छन् । चितवन क्षेत्र नं. ३ बाट प्रतिनिधिसभा उम्मेदवार दाहालले बिहीबार भरतपुरमा आयोजित चुनावी सभामा उक्त कुरा बताएका हुन् ।
एमालेसँग चुनावमा तालमेल मात्रै नभएर पार्टी एकीकरण गर्ने पक्कापक्की नै भएको उनले बताए । ‘कम्युनिस्टहरू अनेक चिरामा रहने हो भने कांग्रेसको फेरो समाएर भए पनि सत्तामा त पुग्ने भए तर डाडुपन्युँ हातमा आउने भएन । यस्तो अवस्था रोक्न पनि हामी एक हुने दिशामा अगाडि बढेका हौं,’ दाहालले भने । तर कम्युनिस्टहरूले जित्दा अधिनायकवाद आउँछ भन्ने चर्चा भ्रम फैलाउन मात्रै गरिएको उनले बताए ।
‘राज्यलाई लोकतान्त्रिक तरिकाले सदुपयोग गरेर समाजवाद ल्याउन सकिन्छ भन्ने सन्देश हामीले दिँदैछौं । यो अधिनायकवाद ल्याउन खोजेको हैन,’ दाहालले भने । उनले आफूहरु लोकतान्त्रिक विधिभन्दा बाहिर नजाने बताए । एमालेसँग पार्टी एकताको निर्णय गरेर मात्रै चुनावी तालमेल भएको उनले बताए । ‘हामीले पार्टी एकता संयोजन समिति बनाएर तालमेलको निर्णयमा पुगेको हो । एकता हुन्छ–हुन्छ,’ दाहालले भने ।
एकीकरणको विषय दशकौंदेखि उठ्दै आएको उनले बताए । ‘मदन भण्डारीको निधन हुनुअघि नै भेटघाट गर्ने क्रम सुरु भएको थियो । जेठ ११ गते वार्ताको मिति तय भएका बेलामा जेठ ३ मै उहाँको ज्यान गयो । ११ गते वार्ता भएको भए एकता उहिल्यै हुन्थ्यो कि,’ दाहालले भने । सशस्त्र संघर्षका बेलामा पनि एमाले र आफूहरुका बीचमा ५० औं पटक छलफल भएको उनले बताए ।
‘जनयुद्ध कालमै रोल्पाको लिसेवाङमा एमालेका नेताहरुसँग सहमतिपत्रमा हस्ताक्षर गरेका थियौं । त्यो सहमति नभएको भए दिल्लीमा ६२ सालको मंसिरमा कांग्रेसलगायतका दलहरुसँग १२ बुँदे सहमति पनि हुन्थ्यो कि नाइँ । त्यसैले यो नयाँ विषय होइन,’ दाहालले भने । अहिले पनि तोकेको समयमा नभएर १० दिनका लागि मात्रै भए पनि चुनाव सारेको भए पार्टी एकीकरण भइसक्ने अवस्था रहेको उनले बताए ।
दाहाल चुनावी अभियानका लागि केही दिनका लागि चितवन आएका हुन् । एमाले र माओवादी संगठनमा आबद्ध चितवनका महिलाको सभालाई सम्बोधन गरेपछि उनले बिहीबार नै आफ्नो चुनावी क्षेत्र पुगेर घरदैलो कार्यक्रममा सहभागी भए ।
महिला सभामा बोल्दै नेकपा (एमाले) का नेता सुरेन्द्र पाण्डेले संसदको चुनाव लडेर आएको पार्टीले अधिनायकवाद ल्याउन खोज्दै नखोज्ने बताए ।

source ; nagarik news

तपाईंको प्रतिकृया

सम्बन्धित समाचार

बुढीगण्डकी बाढीमा दुई सय घर बगे, ओत खोज्दै स्थानीय

चार दिनको वर्षाले सबभन्दा बढी क्षति कालीगण्डकी तटीय क्षेत्रमा

आइपिपीसँगको नयाँ सहमतिले प्राधिकरणलाई एक अर्बभन्दा बढी दायित्वको जोखिम

प्रधानमन्त्री बालेनले भारत र चीनका राजदूतसँग सोमबार एक्लाएक्लै भेटवार्ता गर्ने

बर्खामा विपी राजमार्ग अवरूद्ध भए आधा घन्टामै खुलाइने

रास्वपामा सभापतिको नीतिगत निर्देशन नमाने संसदीय दलको नेता स्वत: पदमुक्त हुने

बालेनलाई आङ्देम्बेले भने– तपाईंलाई प्रधानमन्त्री र संवैधानिक परिषद अध्यक्षको हैसियतमा म चिन्दिनँ

रास्वपाका निर्वाचित पदाधिकारी र केन्द्रीय सदस्यको शपथ आज

मलाई अपरिपक्वको आरोप लाग्थ्यो, तर अब छुट छैन– रवि लामिछाने

महामन्त्रीको दाबीबाट पछि हटे शिशिर

रास्वपाको केन्द्रीय सदस्यमा ८० जना महिला प्रतिस्पर्धी

मध्यरातपछि सुरू भयो रास्वपाको मतदान, अहिलेसम्म कतिले भोट हाले?

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL