अर्थमन्त्री पौडेल को गृहनगर रुपन्देही मा उत्साह

काठमाडौं–अर्थमन्त्री विष्णु पौडेलले शनिबार संसद्मा पेश गरेको आर्थिक वर्ष २०७३/०७४ को बजेटबाट उनको गृहनगर बुटवलका वासिन्दा उत्साहित भएका छन् । बजेटमा बुटवल नगर तथा आसपास क्षेत्रमा प्रशस्त विकासे योजना समेटिएकाले बुटवलवासी उत्साही भएका हुन् । बुटवल उद्योग वाणिज्य संघका वरिष्ठ उपाध्यक्ष खिमबहादुर हमालले यस क्षेत्रमा धेरै विकासे योजना समेटाकोले अर्थमन्त्री पौडेललाई संघले धन्यवाद दिएको बताए । हमालले बजेटमा समेटिएका योजना शीघ्र कार्यान्वयनमा ल्याउन आग्रहसमेत गरेका छन् ।आजको अन्नपूर्ण पोष्ट दैनिकमा खबर छ

बजेट मा रुपन्देही 

सिद्धबाबामा सुरुङ् मार्ग बनाउने कामलाइ निरन्तरताका लागि बजेट बिनियाेजन ।बुटवलमा अन्तराष्ट्रिय सभाहल २ बर्षभित्रमा बनाइने माेतिपूरमा आधुनिक अाैद्याेगिक क्षेत्र बनाउने कामलाइ निरन्तरता ।

• कालिगण्डकी-तिनाउ डाइभर्सनका लागि बजेट सहित बिस्तृत परियाेजना प्रतिबेदन बनाउने काम अघि बढाउने ।
• बुटवल-तानसेन-पाेखरा सडक ब्यबस्थित बनाइने ।
• बुटवल-भैरहवा मिलाएर महानगरपालिका बनाउने । देशभर ३ नया महानगरपालिका बन्ने ।
• ७० नया नगरपालिकाको विकासका लागि २१ करोड विनियोजन ।
• बुटवलमा आगामी आबमा मेडिकल कलेज बनाउने ।
• लुम्बिनीमा ५ हजार मानिस अट्ने सभा भवन बनाइनेछ ।
• भैरहवामा ३ बर्षमा  क्षेत्रियस्तरकाे नयाँ क्रिकेट मैदान बनाइने ।
•  बुटवलमा यु एसटि दुग्ध प्रशाेधन केन्द्र बन्ने ।
• लुम्बीनि विकास गुरुयोजनाको बााकी काम २ वर्ष भित्र पुरा गर्ने गरी निर्माण गरिनेछ ।
• भैरहवामा २०७४ माघबाट विमानस्थल सञ्चालनमा ल्याइने गरी ७ अर्ब २२ करोड ।
• बुटवल गड्डाचौकी रेलमार्गको विस्तृत प्रतिवेदन तयार गरिने ।
• लुम्बिनीलाई समृद्धि स्मार्ट शहरको रुपमा विकास गरिने ।
• भैरहवाको बेलहिया नाकामा एकृकित भन्सार जाँच चौकी निर्माण  ।
• काठमाण्डौ लुम्बिनी रेल मार्गको अध्ययन गरी २ वर्षमा निर्माण कार्य थालिने ।
• भैरहवा–लुम्बनी–तौलिहवा सडकखण्डलाई ४ लेनको सडकमा स्तरोन्नती गर्ने ।
• आधुनिक शहर निर्माण गर्नका लागि सिद्धार्थनगरलाई (भैरहवा) ५० करोड रुपैयाँ विनियोजन ।