अर्थ बाणिज्य / समाज
Wednesday, 31 Jul, 2024
नेप्सेमा हरियाली, ६४ अंकले बढ्दा करिब २२ अर्बको कारोबार
काठमाडौं। बुधबार सेयर बजार परिसूचक नेपाल स्टक एक्सचेन्ज ९नेप्से० मा हरियाली छाएको छ। बुधबार सेयर कारोबार रकमले हालसम्मकै रेकर्ड ब्रेक गरेको छ। आज कुल २१ अर्ब ९१ करोड १५ लाख रुपैयाँ बराबरको कारोबार भएको छ। यसअघि ३१ साउन २०७८ मा २१ अर्ब ५३ करोड रुपैयाँ बराबरको कारोबार भएको थियो।
बुधबार सेयर बजारको परिसूचक नेप्से ६४।२५ अंक बढेको छ। नेप्से २७६०।९० अंकमा कायम भएको छ। आज १९१ कम्पनीको सेयर मूल्य बढ्दा ४४ कम्पनीको मात्र मूल्य घटेको छ। ७ वटा कम्पनीको मूल्य स्थिर नेप्सेले जनाएको छ। आज १३ वटै उपसूचक धनात्मक हुँदा फाइनान्स समूहको उपसूचक ८ प्रतिशत माथि बढेको छ। यस्तै इन्भेस्टमेन्ट समूहको उपसूचक ६।८९ प्रतिशतले बढेको छ। आज दर्जन कम्पनीको मूल्यमा सर्किट लागेको छ।
