अर्थ बाणिज्य / समाज
Friday, 19 Jul, 2024
एकै दिन तोलामा २००० ले घट्यो सुन
काठमाडौं– अघिल्लो दिन बिहीबार प्रतितोला ३०० ले घटेको सुनको मूल्य शुक्रबार २००० रुपैयाँले घटेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४७ हजार ५०० र तेजाबी सुन प्रतितोला १ लाख ४६ हजार ८०० मा कारोबार भइरहेको हो।
बिहीबार छापावाल सुन प्रतितोला एक लाख ४९ हजार ५०० र तेजाबी सुन प्रतितोला १ लाख ४८ हजार ८०० रुपैयाँमा खरिद बिक्री भएको थियो।
महासंघका अनुसार शुक्रबार चाँदीको मूल्य पनि घटेको छ। बिहीबार प्रतितोला १८६० तोकिएको चाँदी शुक्रबार प्रतितोला १८ सय ३० रुपैयाँमा कारोबार भइरहेको छ। चाँदीको मूल्य प्रतितोला ३० रुपैयाँले घटेको छ।
आज अन्तर्राष्ट्रिय बजारमा सुन प्रतिऔंस २४ सय २५ अमेरिकी डलरमा कारोबार भइरहेको महासंघले जनाएको छ।
