सुन मूल्य डेढ लाख नजिक

काठमाडौं–नेपाली बजारमा सुनको मूल्यले आज पनि नयाँ रेकर्ड कायम गरेको छ। यसअघि मंगलबार हालसम्मकै उच्च मूल्यको रेकर्ड बनाएको सुनले बुधबार थप बढेर नयाँ रेकर्ड कायम गरेको हो। मंगलबार छापावाल सुन प्रतितोला १ लाख ४७ हजार ८०० मा खरिद बिक्री भएको थियो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४९ हजार ८०० रुपैयाँमा कारोबार भइरहेको छ। यो मूल्य मंगलबारभन्दा प्रतितोला २००० रुपैयाँले बढी हो।
महासंघका अनुसार मंगलबार तेजाबी सुनको मूल्य प्रतितोला १ लाख ४९ हजार १०० रुपैयाँ कायम भएको छ। मंगलबार तेजाबी सुनको मूल्य प्रतितोला १ लाख ४७ हजार १०० रुपैयाँमा थियो। बुधबार चाँदीको मूल्य पनि अघिल्लो दिनको तुलनामा बढेको छ। महासंघका अनुसार चाँदीको मूल्य प्रतितोला १ हजार ८९५ रुपैयाँमा खरिद बिक्री भइरहेको छ। यो मूल्य अघिल्लो दिनको तुलनामा प्रतितोला २० रुपैयाँ बढी हो।
मंगलबार चाँदी प्रतितोला १ हजार ८७५ रुपैयाँमा कारोबार भएको थियो।