अर्थ बाणिज्य / समाज
Monday, 15 Jul, 2024
सुन मूल्यमा नयाँ रेकर्ड
काठमाडौं– नेपाली बजारमा सुनको मूल्य उकालो लाग्ने क्रम जारी छ। नेपाल सुनचाँदी व्यवसायी महासंघका अनुसार आज नेपाली बजारमा छापावाल सुनको मूल्य प्रतितोला १ लाख ४६ हजार ९०० रुपैयाँमा कारोबार भएको छ। यो मूल्य हालसम्मकै उच्च रहेको महासंघले जनाएको छ।
आइतबार छापावाल सुन प्रतितोला १ लाख ४६ हजार ६०० रुपैयाँ कायम भएको थियो । यस्तै, आज तेजाबी सुनको मूल्य प्रतितोला १ लाख ४६ हजार २०० रुपैयाँमा खरिद बिक्री भइरहेको महासंघले बताएको छ।
आइतबार तेजाबी सुन प्रतितोला १ लाख ४६ हजार रुपैयाँमा कारोबार भएको थियो। यस्तै, आज चाँदीको मूल्य पनि बढेको छ । अघिल्लो दिन तोलामा १ हजार ८७५ मा खरिद बिक्री भएको चाँदीको मूल्य सोमबार बढेर प्रतितोला १ हजार ८८५ रुपैयाँ पुगेको हो।
