अर्थ बाणिज्य / समाज
Thursday, 4 Jul, 2024
सुन मूल्य प्रतितोला १६०० रुपैयाँ वृद्धि
काठमाडौं–नेपाल सुनचाँदी व्यवसायी महासंघका अनुसार आज छापावाल सुन प्रतितोला १६०० रुपैयाँ बढेको छ। छापावाला सुन बुधबार प्रतितोला १ लाख ४२ हजार ७०० मा कारोबार भएकोमा आजका लागि १ लाख ४४ हजार ३०० मा खरिद बिक्री भइरहेको छ। यसैगरी तेजाबी सुन बुधबार प्रतितोला १ लाख ४२ हजारमा कारोबार भएकामा आज १ लाख ४३ हजार ६०० रुपैयाँमा कारोबार भइरहेको महासंघले जनाएको छ।
आज चाँदीको मूल्य तोलामा ४० रुपैयाँले बढेको छ। बुधबार प्रतितोला १ हजार ८२५ मा कारोबार भएको चाँदीको मूल्य आज १ हजार ८६५ रुपैयाँ निर्धारण भएको महासंघले बताएको छ।
