इजरायलका लागि ८०० केयर गिभरको आवेदन माग

काठमाडौं– वैदेशिक रोजगार विभागले इजरायलको दीर्घकालीन स्याहार केन्द्रमा काम गर्न सहायक कामदार ९केयर गिभर० का लागि आवेदन मागेको छ। विभागले इजरायल रोजगारीमा जान चाहने ८०० केयर गिभरका लागि आवेदन खुलाएको हो। सूचना प्रकाशित मितिले २१ दिनभित्र अनलाइनमार्फत आवेदन दिन सकिने विभागजे जनाएको छ।
केयर गिभरमा इजराजय जान चाहने २५ वर्ष पूरा भई ४५ वर्ष ननाघेको, कम्तीमा १।५ मिटर उचाइ र ४५ किलोग्राम तौल भएको, १० कक्षा उत्तीर्ण गरी अनमी वा सीएमए विषयमा कम्तीमा १५ महिनाको अध्ययन पूरा गरेको वा प्लस टु वा सोसरहको शैक्षिक योग्यता हासिल गरेको हुनुपर्नेछ।
सरकारी मान्यताप्राप्त तालिम प्रदायक संस्थाबाट केयर गिभरसम्बन्धी तीन महिनाको तालिम प्राप्त गरेको हुनुपर्नेछ। विगतमा इजरायल गई काम नगरेको, बाबुआमा, पतिपत्नी, छोराछोरी इजरायलमा बसोबास नगरेको वा कार्यरत नरहेको, शारीरिक र मानसिक रुपमा स्वस्थ रहेको हुनुपर्ने योग्यता तोकिएको छ।
आवेदन मागिएका ८०० मध्ये ५०० मुख्य उम्मेदवार र ३०० जना वैकल्पिक उम्मेदवार हुने विभागको सूचनामा उल्लेख छ। ६० प्रतिशत महिला र ४० प्रतिशत पुरुष हुनुपर्नेछ। नेपालबाट केयरगिभरका लागि इजरायज रोजगारीमा जानेले २ लाख १० हजार रुपैयाँ तलब बुझ्नेछन्।